係呢套戲裡面我幾鍾意我個角色既一段Flash Back戲，場戲係講我個角色係學生時期，因為太過軟弱，就算見到自己女朋友比人欺凌，都只係偷偷地對住牆角係到喊。我覺得其實每一個人都會經歷過呢個階段，每一個人都試過軟弱，都試過逃避現實，所以覺得呢到寫得幾好。
其實葉蕭呢個角色係一個成功走出左自已心理陰影既人，佢放棄左軟弱唔敢面對現實既陰暗面，從而去做一個勇敢、精明既警察，所以其實佢既心理轉變都幾大。
係故事既尾段部分，葉蕭呢個角色都進入左地獄，不過最後佢都憑住冷靜既頭腦同勇氣，拯救左成件事。其實我幾鍾意呢個角色，因為佢做每一件事既時候都係咁貫切似終，對自已充滿信心，唔會只係聽片面之詞，只看表面。 係戲入面，我覺得有場戲幾得意，場戲講我衝入地獄入面救阿嬌，因為果場戲講我捉住阿嬌唔比佢跌落地獄，而阿嬌隻手捉住高玄，我不停咁同佢講，呢D係幻覺，但佢最後尾都係選擇左跳落去...人往往就係咁，明知係地獄，明知係假既野，只要自己開心都會選擇去扼自己，去諗多理由去支持自己既觀點，可能呢D就係人既特性。
譚俊彥(Shaun)
