未入行既時候都有睇過D電影既Making of，但係真係估唔到自己會有份參與其中一份子，對我自己黎講，真係好似發緊夢咁架!!!!!~~

呢部戲有我太多ge第一次同難忘ge回憶，實在太多啦！例如：第一次拍電影la 、第一次扮死la、第一次對住咁多人做戲、第一次同女導演合作…總之好多好多…不過講到同女導演合作，黎妙雪導演係我第一次合作既女導演，佢比我ge感覺係…um…佢不論係現場或者係平時都係一個好細心、好斯文同無乜火氣既人。 ~~=’W’= 但係係拍緊野ge時候，佢又有好多地方都會捉得好緊，特別係對人物既情感，所以開頭都好手捉無措…… 不過，好彩導演開頭都有同我講，其實我同Eva(我戲中角色)有幾個相似ge地方，因為我同Eva一樣都係一個單純、開朗、同簡單既人……不過在於角色黎講，又唔可以話係做番我自己，因為係現實入面，我都未試過面對好似Eva果種精神困擾既情況，更加唔會好似佢咁諗到尋死……因為自己未試過死亡邊沿既感覺@W@，所以當自己演繹Eva自殺個場戲個陣時，對我黎講真係幾難。 

好記得拍果場自殺戲既時候，不斷同自己講「咩都唔好諗」，等個腦一片空白咁去做，呢個方法係導演教我既。佢同我講，一個新演員越係想演戲既時候會越演唔到，所以最好就係做返自己同放開D去演，發覺出黎既效果比我預期中好，好過我好出力咁去演，真係好多謝導演比左一個咁好既方法我去演呢場戲……

李曼筠(Maggie)