文章分類: 譚俊彥的話 (地獄第19層)

譚俊彥：逃避與面對

naraka19 — Thu, 30 Aug 2007 17:38:39 +0800

係呢套戲裡面我幾鍾意我個角色既一段Flash Back戲，場戲係講我個角色係學生時期，因為太過軟弱，就算見到自己女朋友比人欺凌，都只係偷偷地對住牆角係到喊。我覺得其實每一個人都會經歷過呢個階段，每一個人都試過軟弱，都試過逃避現實，所以覺得呢到寫得幾好。

其實葉蕭呢個角色係一個成功走出左自已心理陰影既人，佢放棄左軟弱唔敢面對現實既陰暗面，從而去做一個勇敢、精明既警察，所以其實佢既心理轉變都幾大。

(閱讀全文)

譚俊彥：同黎妙雪合作，係一件值得慶幸既事！

naraka19 — Fri, 10 Aug 2007 14:04:17 +0800

黎妙雪係我第二個合作既女導演...

同黎導演合作拍戲，你會覺得有許多時侯，佢都會扮演住一個聆聽者既角色，每次佢會先聽你既意見，然後再從佢既角度出發，其實可以話係將演員同導演兩者再加一個女性角度出發，所以有時有導演拍既細位會比較細。有時有D男導演唔係Care既細位，同埋一D細微細眼既地方...佢會嘗試去造好D...可能呢D就係女仔既執著，所有微細既野都逃唔過佢地既雙眼。其實同女導演合作，其實感覺就像拍拖一樣！

(閱讀全文)

譚俊彥：十九層的樓梯地獄

naraka19 — Wed, 27 Jun 2007 19:45:48 +0800

《地獄第十九層》對我黎講係一部有好多心理同內心戲既一部電影。

所以，我每一日都要同我自己講要投入角色，要完全忘記之前個個自己。我覺得部戲大家都好比心機做，雖然部戲唔可以話係一部六、七千萬既大製作，不過所有工作人員都好專業同好集中，主於我地拍攝時間唔係好多，但係日日都係十三、十四個小時。日日咁拍法其實真係好易跌watt，但係呢一部戲好例外，可能個個都係後生仔女，每每一到拍自己戲份既時候，個個人都會high晒咁去做。係個個都好enjoy個戲同自己既演出，令到部戲好有energy ...

(閱讀全文)

譚俊彥：因果報應地獄

naraka19 — Wed, 30 May 2007 12:59:51 +0800

入行唔經唔覺都好一段日子。雖然自己唔係第一次拍戲，但《地獄第十九層》係我第一部演出既懸疑驚慄電影，亦係我第一次同黎妙雪導演合作，所以呢次工作對我黎講，係有好多特別意義既。感覺就好似初初入行拍第一部戲咁又興奮又緊張...

(閱讀全文)